TVB賽馬日丨曾志偉賭馬最威水一次贏1600萬 正著手今年搞大灣區音樂頒獎禮

今日TVB在沙田馬場舉行「TVB賽馬日」，應屆香港小姐冠軍林鈺洧、亞軍許子萱、季軍梁超怡、友誼小姐邢慧敏、藝員陳豪、譚俊彥、高海寧、姚子羚、袁偉豪、張寶兒、陳煒、江美儀、呂慧儀、樊亦敏、滕麗名及《中年好聲音》一班參賽者等都有盛裝出席，場面熱鬧。不少藝人都趁大喜日子希望落注買馬試試手風，不過大家都好想聽聽總經理曾志偉和陳百祥的意見，希望有斬獲而歸。

同場加映：新四十二章丨戴耀明獲提名對年邁母親有所交代 入行30年終被看見：獎項是人生紀念

{{hket:ul-video id="7642"}}{{/hket:ul-video}}

霎時再感動︳曾志偉因桑拿店剪綵嬲歌手好友 為保形象反口：覺得佢唔夠義氣【下一頁】

{{hket:inline-image name="A.jpeg"}}{{/hket:inline-image}}

{{hket:inline-image name="ND.jpeg"}}{{/hket:inline-image}}

曾志偉接受訪問時表示由於疫情的關係，多年沒有舉辦「TVB賽馬日」，今年希望可以與眾同樂，將歡樂帶給大家。「賽馬日最適合大家相聚，可以見面玩吓，又可以做善事，無論贏輸都係做緊善事。（你啲愛駒有冇份出賽？）啲馬走得七七八八，仲同朋友一齊有兩、三隻，睇吓將來遇唔遇到啦，我覺得睇緣份，之前有啲馬贏過好多大賽，亦有啲馬乜都冇默默兩三年就退役。」

曾志偉坦言買馬心水靠朋友貼士加上自己少少心得，每次落注前都會盡量做足功課，提到今日不少藝人都靠他的貼士，志偉說：「個個都見我贏過，以為我好巴閉，但其實我好渣呀咋，個個見到我贏，但其實我輸多過贏。（最多贏過幾多？）1600幾萬，大約4、5年前嘅事，投注咗2000蚊！中咗嗰次之後，人人都問我點樣刨呀？講咗成年都未中過喇！」

聲夢傳奇2丨曾志偉為錫錫大馬女模親自解畫 「錫面珠墩都係禮貌嚟呀嘛」【下一頁】

通訊事務管理局日前公布免費電視台及電台牌照中期檢討，稱五間機構服務大致符合公眾期望，但就批評TVB節目無新意，「劇集和綜藝節目千篇一律，只播放懷舊和沒有新意的節目」、「節目經常介紹大灣區，內容沉悶」等。曾志偉回應說：「公司分開幾個部門，當然以觀眾群為原則，以家庭觀眾為主，好似《獎門人》咁做咗廿幾年，都係一個老少咸宜嘅節目，但我哋有個部門係研發新節目同新技術，一定要與時並進。」他表示通關後，他都四圍飛跟不同國家交流，「應該追得上潮流變遷，將科技同節目混合埋一齊，睇節目先有興趣。」

對於今年港台跟無綫「分手」，不再合辦《香港金曲頒獎禮》，港台再獨立舉辦《十大中文金曲頒獎典禮》，問到無綫的《勁歌金曲頒獎典禮》會否再辦，曾志偉透露：「我哋想將《勁歌》呢個頒獎禮定為兩年一屆，將會兩年中間，再夾一個籌備緊嘅大灣區音樂頒獎典禮，所以《勁歌》同呢個大灣區頒獎禮就會隔住舉行。(香港歌手會唔會冇咁著數？）香港歌手喺大灣區受歡迎呀嘛，內地歌手都會有份參與，頒畀國內、東南亞或者香港歌手，相信今年內會舉行。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

採訪：黃寶蓮
攝影：林良明
撰文：楊安莉